Националниот натпревар за најдобри ученички компании организиран од Џуниор Ачивмент Македонија се одржа од 10-12.05.2023 во хотел Дрим, Струга. На натпреварот учествуваа 25 тима од цела Македонија( финале) од преку 100 пријавени од цела Македонија , а нашето училиште зема учество со 2 ученички компании. Ученичката компанија Cortex освои четврто место,со ментор Стефана Христовска, а ученичката компанија InoVax го освои Првото место и ќе учествува на Европскиот натпревар кој ќе се одржи во јули, во Истанбул, Турција. Првонаградениот тим е во состав: Фидан Маџоски, Никола Атанасоски, Андреј Тодоров и Георгина Алексовска, наставник ментор: Ања Манчевска.
InoVax е ученичка компанија која со својот производ им помага на повозрасните лица и лицата со деменција, како и на нивните најблиски, за безбедно напуштање на нивните домови. Поточно компанијата произведува Уред за лоцирање на возрасни лица и лица со деменција.
Им честитаме на учениците и менторите!

Давид Костовски – ВТОРО место на државниот натпревар од електротехничка струка, образовен профил КТА, ментори Анѓелка Андрески, Јелена С.Јосифовска, Софија Темкова, Гордана Наумовска

На 04.05.2023година се одржаа финалните натпревари на Денови на електротехника. Во финалето најдобри беа учениците од ОУ „Јан Амос Коменски“ – Карпош, на второ место се пласираше екипата ОУ „Христо Узунов“ -Охрид, додека третото место го освои екипата на ОУ „Петар Поп Арсов“-Карпош. Им се заблагодаруваме на сите учесници, а на најдобрите им го честитаме успехот. Уште еден прекрасен ден поминат во СЕТУ „Михајло Пупин“.

Пепита Тодорова ПРВО место категорија Филм (и понуда за работа), ментор Јасминка Димовска, Маја Наумовска

Резултати од натпреварот по Физика на манифестацијата Денови на електротехника 2023

На 25.03.2023 на Државниот натпревар по Програмирање кој се одржа на ФИНКИ, во организација на Здружение на информатичари на Р.С.Македонија, нашите ученици кои претходно обезбедија пласман преку Регионалниот натпревар , остварија одлични резултати , секој во својата категорија. Филип Величковски Ι-6 ΙΙΙ место, Дарио Филиповски ΙΙ-4 III место и Филип Поповски ΙΙΙ-3 ΙΙΙ место. Ментор – Анѓелка Андрески. Честитки за постигнатиот успех!

СЕТУ Михајло Пупин на 24.03.2023 беше домаќин на регионален натпревар по Електро, Машинска и Сообраќајна струка. Нашите ученици земаа две први места и ќе одат на државен натпревар. Се заблагодаруваме на целиот организационен тим што беше ангажиран за овој натпревар. Воедно се заблагодаруваме на нашите партнери Вива сокови, Пивара -Скопје и Индустри сервис кои го потпомогнаа овој натпревар.

Факултетот за електротехника и информациски технологии во соработка со Лабораторијата за производство ФЕИТ-ФабЛаб и студентскиот огранок на IEEE по трет пат го организираа натпреварот во роботика, вештачка интелигенција и електроника ROBOMAC Junior, во периодот од 30 ноември до 2 декември 2022. На натпреварот учествуваа ученици од СЕТУ МИХАЈЛО ПУПИН под менторство на Стефана Христовска и Наташа Божиновска. Крумислав Божиновски се натпреваруваше во категорија 1 за АВТОНОМНА МОБИЛНА РОБОТИКА, а Тимотеј Ристески се натпреваруваше во категорија 2 за ПАМЕТНА ЕЛЕКТРОНИКА ЗА АВТОНОМНИ ВОЗИЛА и освои прво место.

По повод одржувањето на 20-тата изложба на Еконова и 43-тата изложба на Макинова 2022, Друштвото за заштита на интелектуална сопственост Берин ДОО Скопје додели награда на нашите ученици Ангела Исовска, Михаела Петровска и Јован Дејановски за проектот Soil Bin – паметен компостер под менторство на професорката Анѓелка Андрески, како успешни млади учесници на изложбата Еконова 2022.

Нашето училиште е учесник на Националните натпревари поврзани со проектот Ученичка компанија организиран од Џуниор Ачивмент. На 26.05.2022 (четврток) и 27.05.2022 (петок) 5 ученици со нивниот наставник ментор Стефана Христовска и со ученичката компанија МPSetings присуствуваа на Националниот натпревар на најдобри ученички компании за учебната 2021/2022 година. Тимот на МPSetings се состои од учениците: Фидан Маџоски, Дори Иванова, Дијана Бошкоска, Горјан Јанковски и Никола Атанасоски. Натпреварот се реализираше во просториите на Хотел Дрим во Струга.Сообраќајните незгоди се почести во нашето општество. Најголем дел од жртвите се велосипедисти. Велосипедистите обично го користат стариот метод при движење со покажување на знаци со рацете. Затоа ученичката компанија МPSetings дојде до идеја да го реши овој проблем со помош на производ кој ќе врши електронска сигнализација со дисплеј.Целта на компанијата МPSetings e велосипедистите да возат побезбедно и посигурно во сообраќајот со едноставен, лесен и евтин уред кој ќе овозможува сигнализација со помош на дисплеј поставен од задната страна на велосипедот. Предност е што нема компанија кај нас што произведува производ што го решава овој проблем во општеството. Производот е иновативен и единствен на пазарот. Направена е плочка со печатено коло, асемблирани се компонентите, а за конструкцијата дополнително се направени и кутии со помош на 3D принтер. Се состои од микроконтролер, дисплеј, џојстик за контролирање четири начини на работа, за оптимизација се користи прекинувач и за напојување батерија. Дополнително е потребно и програмирање на микроконтролерот, а исто така може брзо и лесно да се постави на велосипедот. Производот може да го користат велосипедисти од сите возрасти. Но, уникатно е тоа што целната група може да се прошири и производот не мора да се користи само за велосипеди, туку и за инвалидски колички, па дури и електронски тротинети, а за во иднина со можност за надоградување и далечинско контролирање за користење и на запрежни возила, трактори и слично.Визијата на МPSetings е да направат повеќе електрични уреди што ќе решаваат одредени проблеми во сообраќајот и ќе бидат од корист во општеството.