СЕТУ Михајло Пупин од денес има нов партнер училиште каде учениците и наставниците од двете училишта ќе вршат размена на искуства учества во заеднички проекти и други активности од областа на образованието.
Денес во Белград -Земун потпишавме меморандум за соработка со ЕЛЕКТРОТЕХНИЧКОТО УЧИЛИШТЕ ЗЕМУН🇷🇸🇲🇰🇷🇸🇲🇰🇷🇸🇲🇰.
Веќе од наредната година нашите ученици и наставници ќе имаат можност да го посетат ова училиште и разменат искуства со своите врсници и колеги.
Чекориме напред 🇲🇰🇪🇺🇲🇰🇪🇺
СЕТУ Михајло Пупин од 25-29.10.2023 година беше во посета и размена на ученици и професори во двете средни училишта Техничката школа Зеница и Мешовитата школа Младост во Зеница -Босна и Херцеговина.
Денес во Стопанската комора на Р.С.Македонија беа доделени грантовите од Regional challenge fund. СЕТУ Михајло Пупин е единственото училиште од Град Скопје кое доби грант. Со помош на овие средства СЕТУ Михајло Пупин ќе добие најмодерна лабораторија по енергетика на Балканот .
На 04.05.2023година се одржаа финалните натпревари на Денови на електротехника. Во финалето најдобри беа учениците од ОУ „Јан Амос Коменски“ – Карпош, на второ место се пласираше екипата ОУ „Христо Узунов“ -Охрид, додека третото место го освои екипата на ОУ „Петар Поп Арсов“-Карпош. Им се заблагодаруваме на сите учесници, а на најдобрите им го честитаме успехот. Уште еден прекрасен ден поминат во СЕТУ „Михајло Пупин“.
На 02.05.2023 во СЕТУ Михајло Пупин започнаа Денови на електротехника -манифестација која оваа година трае една седмица. Се заблагодаруваме на сите присутни – на Градоначалникот на Град Скопје Г-ѓа Данела Арсовска, директори на образовни институции, директори на училишта, ученици , колеги , гости
Нa 09-10.05.2022 год. во просториите на факултетот за Електротехника и информациски технологии ФЕИТ, претставници од нашето училиште, наставниците Јелена Стојановиќ Јосифовска, Наташа Божиновска, Софија Темкова и Стефана Христовска и учениците Давид Костовски, Матеј Згонц, Мартин Кузмановски и Матеј Николовски, учествуваа на едукативна работилница на тема „Развојни микропроцесорски системи“, во рамките на проектот „Технологија за тебе“, во организација на Логинг Електроникс. Се одржа натпревар меѓу учесниците на настанот и беа презентирани училишните проекти изработени со претходно донираната опрема.
Благодарение на акцијата под мото „ЛОГИНГ – ТЕХНОЛОГИЈА ЗА ТЕБЕ!“, со мисијата за подигнување на свеста за употреба на новите технологии за реализација на наставните програми, компанијата ЛОГИНГ ЕЛЕКТРОНИКС донираше 5 уреди „ARDUINO КИТ“, со вклучени 15 разработени проекти.
Повеќе информации за настанот на сајтот на Логинг и ФЕИТ.
Ни претставува задоволство да Ве поканиме на првиот Дигитален саем за средно стручно образование, организиран од проектот Образование за вработување во Северна Македонија – Е4Е@мк, поддржан од Швајцарската агенција за развој и соработка во соработка со Министерството за образование и наука на Република Северна Македонија. Настанот ќе се одржи на 30 ноември и 1 декември, 2021 година од 13 часот. СЕТУ “Михаjло Пупин” е на агендата на 01.12.2021 со почеток од 13.30h. Овој настан има за цел промоција на средното стручно образование како остварлива можност за кариера.
Во рамките на Eразмус проектот Европски компетенции, во период од 21.9.2021 до 6.10.2021 во Повоа де Варзим, Португалија, 5 наши ученици под менторство на професор Анѓелка Андрески изведуваа практична настава во познати компании како https://www.diamantesolar.pt и https://craveiromobiliario.com. Покрај зголемување на компетенциите на учениците во струката со размена на искуства и знаења, тие ги запознаа и културно историските знаменитости на Португалија со посета на значајните места во Порто, Лисабон и Повоа де Варзим.
Завршивме уште еден проект кој траеше две години со ученици од СЕТУ МИХАЈЛО ПУПИН на радост на сите нас. поддржана од Американската амбасада донесе многу знаење и радост на нашите ученици. Благодарност и до колешката Моника Талеска за несебичното залагање.
CDI Macedonia – ИРЗ Македонија со поддршка на Национална агенција за европски образовни програми и мобилност во соработка со СОУ Ѓорче Петров – Крива Паланка; РЦСОО Моша Пијаде – Тетово; ОСТУ”Наце Буѓони”;СЕТУ Михајло Пупин; СУГС “Владо Тасевски”-ПТТ во период од 20.09.2021 до 05.10.2021 организира мобилност за ученици од електротехничка и машинска струка во Повоа Де Варзим, Португалија
