Денес во просториите на СЕТУ Михајло Пупин во присуство на Градоначалничката на Град Скопје Г-ѓа Данела Арсовска и директори од компаниите Либерти, Макстил и Раде КОНЧАР контактори и релеи беше презентиран добиениот грант од Regional Challenge Fund . Со поддршка на консултантската компанија Примепоинт ДОО Скопје, конзорциумот предводен од средно електротехничко училиште на Град Скопје „ Михајло Пупин“ од Скопје и компаниите ЛИБЕРТИ АД Скопје, Раде Кончар Контактори и релеи доо и Макстил АД Скопје обезбеди грант во висина од €453,590.00 Евра од Регионалниот фонд за предизвици. Фондот е иницијатива на Германската развојна банка (KfW), а финансирана и од германското Федерално министерство.
Целта на проектот е преку модернизиран наставен процес да ги доближиме вештините на учениците до оние кои ги бараат компаниите и да го зголемиме бројот на вработени ученици во овие технолошко-напредни компании. „Во просториите на училиштето ќе биде креирана Паметна лабораторија која ќе биде опремена со најсовремена технологија од областа Industry 4.0, со автоматизиран и роботизиран производствен процес со што ова ќе биде единствената таква опрема во Македонија наменета за наставни цели. Учениците кои ќе се запишат во профилите електро-техничар и енергетичар техничар ќе имаат можност да реализираат пракса и да развијат напредни вешнини преку работа во овие реномирани компании“.

Факултетот за електротехника и информациски технологии во соработка со Лабораторијата за производство ФЕИТ-ФабЛаб и студентскиот огранок на IEEE по трет пат го организираа натпреварот во роботика, вештачка интелигенција и електроника ROBOMAC Junior, во периодот од 30 ноември до 2 декември 2022. На натпреварот учествуваа ученици од СЕТУ МИХАЈЛО ПУПИН под менторство на Стефана Христовска и Наташа Божиновска. Крумислав Божиновски се натпреваруваше во категорија 1 за АВТОНОМНА МОБИЛНА РОБОТИКА, а Тимотеј Ристески се натпреваруваше во категорија 2 за ПАМЕТНА ЕЛЕКТРОНИКА ЗА АВТОНОМНИ ВОЗИЛА и освои прво место.

По повод одржувањето на 20-тата изложба на Еконова и 43-тата изложба на Макинова 2022, Друштвото за заштита на интелектуална сопственост Берин ДОО Скопје додели награда на нашите ученици Ангела Исовска, Михаела Петровска и Јован Дејановски за проектот Soil Bin – паметен компостер под менторство на професорката Анѓелка Андрески, како успешни млади учесници на изложбата Еконова 2022.

Денес заврши еднонеделната посета на ученици и професори од Турција на проект од Еразмус . Споделивме ново искуство на учениците и покажавме како денес функционира нашето училиште. Благодарност до колешките Сандра Ивановска и Наташа Божиновска кои го кординираа овој проект. СЕТУ Михајло Пупин – европско училиште!

СЕТУ Михајло Пупин ги усовршува своите ученици и професори. Од 10 до 14 Октомври 2022 година наши ученици заедно со професори беа на размена во Електротехничка Школа “Михајло Пупин “-Нови Сад. Недела каде учениците разменија искуства се стекнаа со нови знаења , дружење со своите врсници , беа во посета на Електро факултетот во Нови Сад и ја посетија компанијата CONTINENTAL. Нашите професори одржаа неколку предавања на нивните ученици од електротехничката струка. Се запознаа со Градот и посетија многу знаменитости. Незаборавно искуство за овие наши ученици кои беа избрани по пат на отворен конкурс, тестирање, а најдобрите имаа чест да бидат на оваа размена. Оваа размена продолжува во месец Нормври каде ученици од ЕТШ МИХАЈЛО ПУПИН-Нови Сад и професори ќе бидат наши гости во нашето училиште. За оваа учебна година планирани се и размени во Зеница -Бих, Хрватска и Словенија , а се работи на потпишување на меморандум со уште едно училиште од Србија како и со училишта од други соседни држави. Огромно Благодарам до колегите Milica Milosavić Karaba, Stana Makevic Mirjana Mitrović Zeljko, Saša Skoko Sasa Ivancuk, Borislava, Slavica, Vanja , професорите колеги кај кои нашите ученици имаа практични вежби и настава и едно големо благодарам до нашиот пријател Директорот Ермидин за прекрасната недела.
Галерија од нашата посета :

Од 14 до16 септември се одржа “Основната обука за спроведување на програмата за ученичка компанија” на Џуниор Ачивмент Македонија, која учествуваа и професорите од СЕТУГС “Михајло Пупин”, Aња Манчевска и Сенад Сејфиќ, и притоа добија први места за идејно решение поврзано со формирање на ученичка компанија, како и на квизот за познавање од тематиките.

Нa 09-10.05.2022 год. во просториите на факултетот за Електротехника и информациски технологии ФЕИТ, претставници од нашето училиште, наставниците Јелена Стојановиќ Јосифовска, Наташа Божиновска, Софија Темкова и Стефана Христовска и учениците Давид Костовски, Матеј Згонц, Мартин Кузмановски и Матеј Николовски, учествуваа на едукативна работилница на тема „Развојни микропроцесорски системи“, во рамките на проектот „Технологија за тебе“, во организација на Логинг Електроникс. Се одржа натпревар меѓу учесниците на настанот и беа презентирани училишните проекти изработени со претходно донираната опрема.
Благодарение на акцијата под мото „ЛОГИНГ – ТЕХНОЛОГИЈА ЗА ТЕБЕ!“, со мисијата за подигнување на свеста за употреба на новите технологии за реализација на наставните програми, компанијата ЛОГИНГ ЕЛЕКТРОНИКС донираше 5 уреди „ARDUINO КИТ“, со вклучени 15 разработени проекти.

Повеќе информации за настанот на сајтот на Логинг и ФЕИТ.

Нашето училиште е учесник на Националните натпревари поврзани со проектот Ученичка компанија организиран од Џуниор Ачивмент. На 26.05.2022 (четврток) и 27.05.2022 (петок) 5 ученици со нивниот наставник ментор Стефана Христовска и со ученичката компанија МPSetings присуствуваа на Националниот натпревар на најдобри ученички компании за учебната 2021/2022 година. Тимот на МPSetings се состои од учениците: Фидан Маџоски, Дори Иванова, Дијана Бошкоска, Горјан Јанковски и Никола Атанасоски. Натпреварот се реализираше во просториите на Хотел Дрим во Струга.Сообраќајните незгоди се почести во нашето општество. Најголем дел од жртвите се велосипедисти. Велосипедистите обично го користат стариот метод при движење со покажување на знаци со рацете. Затоа ученичката компанија МPSetings дојде до идеја да го реши овој проблем со помош на производ кој ќе врши електронска сигнализација со дисплеј.Целта на компанијата МPSetings e велосипедистите да возат побезбедно и посигурно во сообраќајот со едноставен, лесен и евтин уред кој ќе овозможува сигнализација со помош на дисплеј поставен од задната страна на велосипедот. Предност е што нема компанија кај нас што произведува производ што го решава овој проблем во општеството. Производот е иновативен и единствен на пазарот. Направена е плочка со печатено коло, асемблирани се компонентите, а за конструкцијата дополнително се направени и кутии со помош на 3D принтер. Се состои од микроконтролер, дисплеј, џојстик за контролирање четири начини на работа, за оптимизација се користи прекинувач и за напојување батерија. Дополнително е потребно и програмирање на микроконтролерот, а исто така може брзо и лесно да се постави на велосипедот. Производот може да го користат велосипедисти од сите возрасти. Но, уникатно е тоа што целната група може да се прошири и производот не мора да се користи само за велосипеди, туку и за инвалидски колички, па дури и електронски тротинети, а за во иднина со можност за надоградување и далечинско контролирање за користење и на запрежни возила, трактори и слично.Визијата на МPSetings е да направат повеќе електрични уреди што ќе решаваат одредени проблеми во сообраќајот и ќе бидат од корист во општеството.

На 58-от Државен натпревар на младите истражувачи – Наука на млади:

1. Александар Јанев, од IV-4 клас, под менторство на проф. Анѓелка Андрески освои 2 место во областа Дизајн на веб страници

2. Бојан Котев, од IV-5 клас, под менторство на проф. Даниела Сандева освои 2 место во областа Компјутерско програмирање

Во просториите на Власта на Зеничко- Добојски кантон во Босна и Херцеговина во присуство на Министерот за образование Спахија Козлиќ, Средното електротехничко училиште на Град Скопје Михајло Пупин потпиша меморандум за соработка со две средни училишта од Зеница -Босна и Херцеговина, Техничка школа Зеница и Мешовита школа Зеница. Со потпишување на овој меморандум од оваа година ќе има размена на ученици , аплицирање на заеднички проекти, подобрување и размена на искуство во дуалното образование во трите училишта.

Ова е прв ваков вид на меморандум за соработка на стручно училиште со средни училишта од Босна и Херцеговина -изјави директорот на СЕТУ Михајло Пупин -Димитар Ѓорѓиев. Среќни сме поради ова и со ова нашето училиште им овозможува на своите ученици размена на искуства освен во Србија, Хрватска и Словенија од оваа година и со ученици од Босна и Херцеговина.

Делегацијата од Михајло Пупин имаше и прием во стопанската комора како гости на претседателката на комората Г-ѓа Диана Бабиќ и состанок со челници на неколку компании од Босна и Херцеговина каде се разменија искуства за дуалното образование.

Делегацијата ги посети и двете училишта каде се направи стратегија за подобрување на квалитетот на наставата во електротехничката струка и договори повеќе настани за во иднина,а се во интерес на учениците. Исто така делагацијата посети неколку компании како Арцелор Митал каде се разменија искуства за дуалното образование . СЕТУ Михајло Пупин полека станува центар на електротехничката струка во Република Северна Македонија.

видео

Zenitsa blog

lokalno.mk