На 61-от Државен натпревар на млади истражувачи, кој се одржа во Куманово, ученикот Филип Спиров од II година освои прво место во областа иновации, под менторство на Наташа Божиновска

Во рамки на проектот AI & Sustainability in VET education – Вештачка интелегенција и одржлив развој во стручното образование, во кој нашето училиште СЕТУГС „Михајло Пупин” е партнер, а координатор е Техничкиот Универзитет Каунас од Литванија, се одржа состанок во Каунас, Литванија на 26-27.06.2025. На состанокот учествуваа директорот Димитар Ѓорѓиев и координаторот на проектот Анѓелка Андрески. На евалуациониот состанок – „the ProjectHub@AI-SAVES-Artificial Intelligence and Sustainable Automated Vision for Environmental Solutions” се дискутираше за статусот на работните пакети, реализирани досегашни активности и секоја од партнерските земји – С.Македонија, Литванија, Португалија, Шпанија, Грција, Турција и Белгија – презентираше по два сработени проекти за одржлив развој со Raspberry Pi, computer vision, детекција на објекти и сегментација, претренирани модели – MobileNet – класификација, YOLO – детекција на објекти и нивна класификација, програмирани во Python. Нашите проекти беа за автоматизирано рециклирање, препознавање на типот на отпадот со камера модул и трениран модел – база на податоци со кој отпадот се пренесува со сервомотор до соодветната канта. Вториот проект беше за препознавање на кучиња скитници од голема база на податоци и заштита на луѓето од нив со вискофреквентни сигнали од утрасоничен сензор. Во тек е доставата на донираната опрема во училиштето од Raspberry Pi 5 , со сензори и актуатори, која ќе биде дистрибуирана и до сите електротехнички училишта во Р.С.Македонија, а на која ќе работат професори со тимови на ученици, за изработка на вежби за одржлив развој, со кои ќе учествуваат на натпревар во кој ќе се вклучат ученици од средни стручни училишта од цела Европа.

Денови на електротехника 23.04-26.04.2025 година. Свечено отварање среда 23.04.2025 во 09.00 часот

Во нашето училиште на 07.02.2025 се оджа општинскиот натпревар по физика за средните училишта од општна Гази Баба. На натпреварот учествуваа 35 ученици од трите средни училишта во општината СЕТУ „Михајло Пупин“, СУГС Гимназија “Панче Арсовски“ и Меѓународнo училиштe Маариф Скопје. Нашето училиште го представуваа следниве ученици:

Во рамките на проектот AI & Sustainability in VET education – Вештачка интелегенција и одржлив развој во стручното образование, во кој нашето училиште СЕТУГС “Михајло Пупин” е партнер, се одржа обука во Истанбул, Турција од 16-20.09.2024. На обуката учествуваа професорките Анѓелка Андрески, Ангела Магдеска, Ања Манчевска Илиеска и Дијана Трајкоска. Обуката беше за Raspberry Pi 5 микрокомпјутери и ESP32. На донираната опрема во училиштето од Raspberry Pi 5 , со сензори и актуатори ќе работат професорките со тимови на ученици, за изработка на вежби со кои ќе учествуваат на натпревар во кој ќе се вклучат ученици од средни стручни училишта од цела Европа.

Денес во просториите на СЕТУ МИХАЈЛО ПУПИН е примена донација од страна на Америчката компанија WABTEC од еден професионален сервер и два професионални свича кои ќе бидат поврзани за потребите на нашето училиште . Ќе го подобриме интернетот во целото училиште како и ќе ги заштитиме сите податоци. Со овој чекор започнуваме комплетно дигитализирање во наредниот период.
СЕТУ Михајло Пупин чекор пред другите

СЕТУ Михајло Пупин од денес има нов партнер училиште каде учениците и наставниците од двете училишта ќе вршат размена на искуства учества во заеднички проекти и други активности од областа на образованието.

Денес во Белград -Земун потпишавме меморандум за соработка со ЕЛЕКТРОТЕХНИЧКОТО УЧИЛИШТЕ ЗЕМУН🇷🇸🇲🇰🇷🇸🇲🇰🇷🇸🇲🇰.
Веќе од наредната година нашите ученици и наставници ќе имаат можност да го посетат ова училиште и разменат искуства со своите врсници и колеги.

Чекориме напред 🇲🇰🇪🇺🇲🇰🇪🇺

СЕТУ Михајло Пупин од 25-29.10.2023 година беше во посета и размена на ученици и професори во двете средни училишта Техничката школа Зеница и Мешовитата школа Младост во Зеница -Босна и Херцеговина.

Денес во Стопанската комора на Р.С.Македонија беа доделени грантовите од Regional challenge fund. СЕТУ Михајло Пупин е единственото училиште од Град Скопје кое доби грант. Со помош на овие средства СЕТУ Михајло Пупин ќе добие најмодерна лабораторија по енергетика на Балканот .

На 04.05.2023година се одржаа финалните натпревари на Денови на електротехника. Во финалето најдобри беа учениците од ОУ „Јан Амос Коменски“ – Карпош, на второ место се пласираше екипата ОУ „Христо Узунов“ -Охрид, додека третото место го освои екипата на ОУ „Петар Поп Арсов“-Карпош. Им се заблагодаруваме на сите учесници, а на најдобрите им го честитаме успехот. Уште еден прекрасен ден поминат во СЕТУ „Михајло Пупин“.