Во рамки на проектот AI & Sustainability in VET education – Вештачка интелегенција и одржлив развој во стручното образование, во кој нашето училиште СЕТУГС „Михајло Пупин” е партнер, а координатор е Техничкиот Универзитет Каунас од Литванија, се одржа обука во Атина, Грција од 18-22.11.2024. На обуката учествуваа директорот Димитар Ѓорѓиев и професорките Анѓелка Андрески, Ангела Магдеска, Ања Манчевска Илиеска и Дијана Трајкоска. Обуката беше за Deep learning models, computer vision, детекција на објекти и сегментација, претренирани модели – MobileNet – класификација, YOLO – детекција на објекти и нивна класификација, работа на Github и Colab ISEP, класификација на слики со MobileNet со и без трансфер на учење, како и примена на моделите на Raspberry Pi 5 микрокомпјутери. На донираната опрема во училиштето од Raspberry Pi 5 , со сензори и актуатори ќе работат професорките со тимови на ученици, за изработка на вежби за одржлив развој, со кои ќе учествуваат на натпревар во кој ќе се вклучат ученици од средни стручни училишта од цела Европа. За обуката потоа беше реализирана дисеминација пред професорите во нашето училиште.
